အချင်းဆိုတာဘာလဲ ။
အချင်းဆိုတာ သန္ဓေသားနဲ့ သားအိမ်နဲ့ကိုဆက်သွယ်ပေးထားတာပါ ။အချင်းကနေပြီးချက်ကြိုးထွက်တယ်။ အဲချက်ကြိုးကနေတစ်ဆင့် သန္ဓေသားအတွက်လိုအပ်တဲ့ အစာအာဟာရ တို့အောက်ဆီဂျင်တို့ကို ထောက်ပံပေးတယ်။ သန္ဓေသားကနေစွန့်ပစ်လိုက်တဲ့အညစ်အကြေးတွေကလည်း ချက်ကြိုးကနေတစ်ဆင့် အချင်းကိုရောက်တယ် ။အချင်းကနေအဲ့အညစ်အကြေးတွေကိုဖယ်ရှားပေးတယ် ။
အချင်းရှေ့ရောက်တယ်ဆိုတာကောဘာလဲ ။
အချင်းကတော့ပုံမှန်အားဖြင့်ဆိုရလျှင် သားအိမ်ရဲ့ ဘေးဘက် သို့မဟုတ် အပေါ်ထိပ်ဘက်မှာ ကပ်နေရမှာပါ ။ အချင်းရှေ့ရောက်တယ်ဆိုတာအချင်းကထိုပုံမှန်နေရာတွေမှာမနေဘဲ သားအိမ်အောက်ပိုင်းမှာရှိတဲ့ သားအိမ်ခေါင်းအပေါ်မှာရောက်နေတာကိုဆိုလိုတာပါ ။အမျိုးအစား၂မျိုးခွဲထားပါတယ်။
အချင်းကသားအိမ်ခေါင်းရဲ့ အတွင်းအပေါက် အပေါ်ကိုဖုံးနေရင် Major Placenta Praevia နဲ့ အချင်းက သားအိမ်ရဲ့ အောက်ဘက်မှာတော့ရောက်တယ် ၊ သို့သော် သားအိမ်ခေါင်းရဲ့ အတွင်းအပေါက်ကိုမဖုံးဘူးဆိုရင် Minor Placenta Praevia ဆိုပီး ၂မျိုးခွဲထားပါတယ်။
အချင်းရှေ့ရောက်ရင်ဘာတွေဖြစ်တတ်လဲ။
အချင်းရှေ့ရောက်ခြင်းရဲ့လက္ခဏကတော့ နာချင်းပြုခြင်းမရှိဘဲ သွေးခဏခဏဆင်းတာပါ ။ထို့ကြောင့်အချင်းရှေ့ရောက်ခြင်းက ကိုယ်ဝန်ဆောင်စဉ်သွေးဆင်းခြင်း ကို ဖြစ်စေတဲ့အကြောင်းရင်းများထဲမှာပါပါတယ်။
ဘယ်လိုကိုယ်ဝန်ဆောင်တွေမှာအဖြစ်များလဲ။ ဘာတွေစစ်ဆေးရမလဲ ။
-အမွှာကိုယ်ဝန်ဆောင်သည်တွေ
-အရင်ကနှစ်ကြိမ်နဲ့အထက်ကိုယ်ဝန်ဆောင်ဖူးသူတွေ
-အသက်ကြီးမှကိုယ်ဝန်ဆောင်သူတွေ
-အရင်ကိုယ်ဝန်တုန်းကခွဲမွေးခဲ့သူတွေ
-သားအိမ်ခြစ်ခဲ့ရသူတွေ
-ဖန်ပြွန်သန္ဓေယူသူတွေမှာ ဖြစ်နိုင်ချေများပါတယ် ။
လုပ်လို့ရတဲ့စစ်ဆေးမှုတွေက အာထရာဆောင်းရိုက်ရမယ် ။သွေးရောဂါတွေရှိမရှိသွေးဖောက်စစ်ရမယ် ။
အချင်းရှေ့ရောက်နေရင်ဘယ်လိုလုပ်မလဲ။ ရိုးရိုးမွေးလို့ကောရနိုင်လား။
သွေးဆင်းတာကိုစောင့်ကြည့်ရပါမယ်။ တကယ်လို့သွေးကထပ်မဆင်းတော့ဘူး၊ ကလေးကလည်းလမစေ့သေးဘူး ၊ အမေကလည်းဗိုက်မနာသေးဘူးဆိုရင် ကလေးလစေ့တဲ့အထိစောင့်ပြီးခွဲမွေးပါမယ်။ တကယ်လို့ လမစေ့ခင်သွေးတအားဆင်းနေရင်တော့ အရေးပေါ်ခွဲရပါမယ်။ Minor Placenta Praevia ဆိုရင်တော့ခွဲမွေးစရာမလိုဘဲ ရိုးရိုးမွေးနိုင်ပါတယ်။ အချင်းရှေ့ရောက်တာဟာမွေးပြီးနောက်သွေးသွန်တာကိုလဲဖြစ်စေတတ်ပါတယ် ။ဒါကြောင့် ကိုယ်ဝန်ဆောင်မိခင်များအနေဖြင့် ကိုယ်ဝန်ရှိတယ်ဆိုရင် ကိုယ်ဝန်အပ်ဖို့ ၊ ကိုယ်ဝန်အပ်ထားတဲ့ဆရာဝန်ကချိန်းတိုင်းသွားဖို့ အာထရာဆောင်းရိုက်ဖို့တိုက်တွန်းပါရစေ ။
Author : Dr. 528
