ကျန်းမာကြံ့ခိုင်သောခန္ဓာကိုယ်နှင့် သန်မာသော ကြွက်သားများ တည်ဆောက်နိုင်ဖို့ အားကစားနည်းပြနဲ့အတူ၊ ဒါမှမဟုတ် အားကစားခန်းမကို သွားပြီးလေ့ကျင့်နိုင်မှ ဖြစ်နိုင်မယ်လို့ လူအများစုက ထင်ထားကြပါတယ်။ ကြွက်သားတွေတည်ဆောက်ဖို့အတွက် မိမိအိမ်တွင် အလွယ်တကူ လုပ်ဆောင်နိုင်မည့်နည်းလမ်းများလည်း ရှိပါသည်။
ကြွက်သားတွေတည်ဆောက်ဖို့အတွက် အကောင်းဆုံးအိမ်တွင်းနည်းလမ်းများမှာ
● စားသောက်သော အစားအစာများတွင် အစာအုပ်စုသုံးခုလုံး မျှတစွာ စားသုံးပေးရမည်။ အသင့်စားအစာများ အဆီများသောအစာများကို ရှောင်ကျဉ်သင့်သည်။
● နံနက်စာကို ပုံမှန်စားပေးရမည်။အစားအသောက်များကို တစ်နေ့လျှင် အကြိမ်ရေများများ စားပေးရမည်။ အသီးအရွက်များများ စားပေးသင့်သည်။
● ကာဗိုဟိုက်ဒရိုတ် ကစီဓါတ်အစားအစာများကို ရှောင်ခြင်းပြုလုပ်ရန်မလိုပဲ၊ ပရိုတင်း အသားဓါတ်များများ နှင့် ကျန်းမာရေးအကျိုးပြု မပြည့်ဝဆီများကို စားသုံးပေးပါ။
● ရေကို မကြာခနနှင့် လုံလုံလောက်လောက် သောက်ပေးပါ။ ကိုယ်လက်လှုပ်ရှားမှုများ ပြုလုပ်ပြီးတိုင်း ရေသောက်ပေးပါ၊ အာဟာရရှိသော အစာများများ စားပေးပါ။
● လမ်းမြန်မြန်လျှောက်ခြင်း၊ လှေကားတက်ခြင်း၊ ပြေးခြင်း၊ ကခုန်ခြင်း၊ စက်ဘီးစီးခြင်း၊ ယောဂကျင့်ခြင်း၊ အေရိုးဗစ်ဆော့ကစားခြင်း စသည့် Endurance exercise ခေါ် သက်လုံပိုင်းဆိုင်ရာ လေ့ကျင့်ခန်း လှုပ်ရှားမှုများကို အမြဲပြုလုပ်ပေးပါ။
● Flexibility Exercise ခေါ် ပျော့ပြောင်းမှုဆိုင်ရာ လေ့ကျင့်ခန်းများဖြစ်သည့် ခန္ဓာကိုယ်အစိတ်အပိုင်းများ ဆန့်ထုတ်အကြောလျှော့ခြင်း Stretching၊ Yoga ယောဂကျင့်ခြင်းတို့ကို တခြားကြွက်သားသန်မာစေသည့် လေ့ကျင့်ခန်းများနှင့် တွဲ၍လုပ်ဆောင်သင့်ပါသည်။
● အရိုး နှင့် ကြွက်သားများကို ကျန်းမာသန်စွမ်းစေသော Srength Exercise ခေါ် သန်စွမ်းမှု ဆိုင်ရာ လေ့ကျင့်ခန်းများဖြစ်သည့် အလေးတုံးများသုံးပြီး အလေးမခြင်း၊ လေ့ကျင့်ခန်းသုံးကြိုး Resistance Bands၊ Total resistance Exercise TRX ကြိုးများကို အသုံးပြုပြီး ခန္ဓာကိုယ်လေ့ကျင့်ခန်းများကို ပြုလုပ်ပေးပါ။
● ခန္ဓာကိုယ်ကြွက်သား သန်မာမှုအထောက်အပံ့ပေးသော Resistance Exercise နှင့် ဟန်ချက်ထိန်းပေးသော Balance Exercise များဖြစ်သည့် ထိုက်ကျိ၊ ခြေဖျားထောက်လမ်းလျှောက်ခြင်း၊အိမ်ရှိရေဘူး၊ ရေပုံး၊ အလေးတုံးများမခြင်း၊ ရေကူးခြင်း၊ အိပ်ထမတင်လုပ်ခြင်း၊ plank ထောက်ခြင်း၊ ထိုင်ထလုပ်ခြင်း၊ ဒိုက်ထိုးခြင်း၊ ဘားခိုခြင်းစသော ခန္ဓာကိုယ်လေ့ကျင့်ခန်းများကို ပြုလုပ်ပေးရပါမည်။
● ကိုယ်လက်လှုပ်ရှားမှုများ ပြုလုပ်ပြီးတိုင်း ကြွက်သားပျက်စီးမှုများပြီး တည်ဆောက်မှုနည်းသည့်အတွက် ပရိုတင်းအသားဓါတ်များသော အစားအစာ၊ ဖြည့်စွက်အာဟာရတို့ကို မှီဝဲပေးရမည်။ ကိုယ်အလေးချိန်တစ်ပေါင်ကို ပရိုတင်းအသားဓါတ် အနည်းဆုံး ၀.၅ ဂရမ်စားပေးရပါမည်။
● ကောင်းမွန်စွာအိပ်စက် အနားယူခြင်းကလည်း ခန္ဓာကိုယ်၏ metabolic rate ကို ကောင်းမွန်စေသည့်အတွက် အိပ်ရေးဝအောင်အိပ်ပေးပါ။
● လေ့ကျင့်ခန်းပြုလုပ်ပြီးတိုင်း ကြွက်သားများတွင်ဒဏ်ရာ ရရှိပါသည်။ ပျက်စီးသွားသောကြွက်သားများ သက်သာလာမှသာ ကြွက်သားတည်ဆောက်နိုင်မှဖြစ်ပါတယ်။ ထိုသို့ကြွက်သားတည်ဆောက်နိုင်ရန် မိမိ၏ခန္ဓာကိုယ်ကို အနားပေးရန်လိုအပ်သည်။ ကြွက်သားဒဏ်ရာများ သက်သာရန် အချိန်လိုအပ်မှုသည် မိမိစားသောက်မှုပုံစံ၊ ခန္ဓာကိုယ်ဇီဝဖြစ်စဉ်နှင့် ကျန်းမာရေးအခြေအနေပေါ်မူတည်ပြီး ၂ရက်မှတစ်ပါတ်အထိ ကြာမြင့်တတ်ပါသည်။ ထို့ကြောင့်တပါတ်လျှင် ၂-၃ရက်ခန့် rest day အနေဖြင့် သတ်မှတ်ပြီး ပြင်းထန်သောလှုပ်ရှား အားကစားများကို အနားပေးသင့်သည်။
အထက်ပါ နည်းလမ်းများ၊အချက်များကို ဖတ်ရှုပြီး stay at home၊ work from home နေရင်း အကောင်းဆုံး အိမ်တွင်းနည်းလမ်းများဖြင့် ကြွက်သားများ တည်ဆောက်လေ့ကျင့်ပြီး ကျန်းမာကြံ့ခိုင်သော ခန္ဓာကိုယ်ကို ပိုင်ဆိုင်နိုင်ရန် မျှဝေရေးသားလိုက်ရပါသည်။
