ကလေးမွေးပြီးနောက် ဘယ်တော့လောက် ဗိုက်ပြန်ပိန်မလဲ ?
အမျိုးသမီးတိုင်းသည် ကိုယ်ဝန်ဆောင်ကာလတလျောက် မိမိရင်သွေး အာဟာရပြည့်ဝစေရန် စားသောက်နေထိုင်ရသောကြောင့် ကိုယ်အလေးချိန် သိသာစွာ တိုးတက်လာပါတယ်။ မွေးပြီးနောက် ဘယ်တော့လောက် ပြန်ပိန်မလဲက မျော်လင့်ချက်တစ်ခုပါ။
မွေးစကလေးရဲ့ ပေါင်ချိန်သည် ပျမ်းမျှ ၇ ပေါင်ခွဲဆိုကြပါစို့။ ထိုအခါ မိမိရဲ့ အလေးချိန်သည် မွေးပြီးနောက် ဘယ်လောက်ကျန်မလဲ ? ဘယ်တော့လောက်အရင်လိုဖြစ်မလဲ သိချင်ကြပါတယ်။ ထိုသို့ ဘယ်တော့ ပြန်ဗိုက်ပိန်မလဲဆိုသော အချက်သည် နို့တိုက်မတိုက် အစားအသောက်နှင့် အမူအကျင့်ပေါင်းများစွာပေါ် မူတည်ပါတယ်။
– မွေးပြီးနောက် ၂၄ နာရီ
ကိုယ်ဝန်ဆောင် ၉ လလုံး သားအိမ်ကြီးထွားသည်နှင့်အမျှ ဗိုက်အရေပြားလည်း တဖြေးဖြေးဆွဲဆန့်နေခဲ့ပါတယ်။ ကလေးမွေးပြီးပြီးချင်း သားအိမ်ချက်ချင်း ကျုံသောကြောင့် ၁၂ ပေါင်ခန့်ကျပါတယ်။ ကလေး၊ အချင်း၊ သွေး၊ အကျိအချွဲများကြောင့် ဖြစ်ပါတယ်။
– မွေးပြီးတပတ်အကြာ
မိမိရင်သွေးကို မိခင်နို့တိုက်ခြင်းသည် အကောင်းဆုံး ဝိတ်ချနည်းတစ်မျိုး ဖြစ်ပါတယ်။ နို့တိုက်ခြင်းသည် ကယ်လိုရီ ၅၀၀ ခန့် လောင်ကျွမ်းစေသောကြောင့် ကလေးနို့တိုက်လျှင် ပိုမိုကိုယ်အလေးချိန် ကျလွယ်ပါတယ်။ သို့သော် အချို့မိခင်များမှာမူ မိမိရင်သွေးအတွက် လိုအပ်တာထက် ပိုမိုစားသုံးသောကြောင့် အလေးချိန် တက်လာနိုင်ပါတယ်။
– မွေးပြီး ၂ ပတ်အကြာ
မွေးပြီး ၂ ပတ်အကြာတွင် မိခင်များသည် ပေါင်ချိန်ရန်ပင် သတိမရကြပါ။ မိမိကလေး အတွက် သေချာပြုစုနေသော ကာလဖြစ်သောကြောင့် ဖြစ်ပါတယ်။ ထိုကာလအတွင်း ဟော်မုန်းများနည်းလာပြီး လက်မောင်းနှင့် ခါးသိသာစွာ ပြန်ပိန်လာသည်ကို တွေ့ရှိရပါလိမ့်မယ်။
– မွေးပြီး တစ်လအကြာ
မိခင်များသည် နည်းစနစ်မှန်စွာ နေထိုင်စားသောက်ပါက မွေးပြီတစ်လခန့်အကြာတွင် ပေါင် ၂၀ ခန့်ထိကျနိုင်ပါတယ်။
– မွေးပြီး ၆ ပတ်အကြာ
မွေးပြီး ၆ ပတ်အကြာ သားအိမ်သည် မူလအနေအထား ပြန်ရောက်၍ ဗိုက်သည် ပိန်ပြီး ရေကူးဝတ်စုံဝတ်လို့ပင် ရနေပါပြီ။
– မွေးပြီး လအနည်းငယ်အကြာ
သင်သည် အစားအသောက်ကို ကိုယ်ဝန်ရှိကတည်းက နည်းစနစ်မှန်စွာ စားသောက်နေထိုင်ပါက ကလေးမွေးပြီးနောက် လအနည်းငယ်အတွင်း ကိုယ်အလေးချိန် ပုံမှန်ပြန်ရနိုင်ပါတယ်။ ကိုယ်ဝန်ရှိချိန်တွင် အရေပြားဆွဲဆန့်ခဲ့သမျှ ပြန်လည်တင်းရင်းစေရန် လေ့ကျင့်ခန်း ပြုလုပ်ပေးရန် လိုအပ်ပါတယ်။ သင်သည် ကိုယ်ဝန်ဆောင်စဉ် မူလကိုယ်အလေးချိန်ထက် ၂၅ – ၃၅ ပေင်ထက် ပိုမိုများပါက ဝိတ်ကျစေရန် အချိန်ယူရပါမယ်။
မွေးပြီးနောက် ကိုယ်အလေးချိန်တိုးလာခြင်း အကြောင်းအရင်း
ကလေးမွေးပြီးနောက် ကိုယ်အလေးချိန်တိုးခြင်းသည် ဆီးချို၊ နှလုံးရောဂါဖြစ်ပွားမႈကို ဖြစ်စေပါတယ်။ မွေးပြီးနောက် ကိုယ်အလေးချိန်တိုးခြင်းသည် သိုင်းရွိုက်မညီမျှခြင်းကြောင့် ဖြစ်နိုင်ပါတယ်။ လေ့လာချက်များအရ မိခင်များသည် အိပ်ရေးမဝခြင်း ညဘက်အိပ်ချိန် ၅ နာရီထက်နည်းလျှင် ကိုယ်အလေးချိန် ၁၁ ပေါင်ခန့်ထိ တက်စေနိုင်ပါတယ်။ ဆေးလိပ်၊ အရက်သောက်ခြင်း၊ အချိုလွန်ကဲစွာစားခြင်းကြောင့်လည်း ကိုယ်အလေးချိန်တက်စေပါတယ်။
ထို႔ကြောင့် မွေးပြီး လအနည်းငယ်အတွင်း ကိုယ်အလေးချိန်ကျစေႏိုင်ပြီး ပြန်လည်လှပမႈ ရရှိစေနိုင်သောကြောင့် မိမိအစားအသောက်အနေအထိုင်ဂရုစိုက်မႈ၊ လေ့ကျင့်ခန်းပြုလုပ်ခြင်းများတွင်လည်း မူတည်ပါတယ်။
Dr. Pyae Shin
